ភ្នំពេញៈ យោងតាមអ្នករៀបចំបោះពុម្ពផ្សាយនៅក្រុងភ្នំពេញ បានឱ្យដឹងថា វណ្ណកម្មថ្មី ប្រលោមលោក មេទ័ពជ័យសែន និងមានចេញលក់ជាផ្លូវការនៅសប្តាហ៍ក្រោយ។ លោក ហេង ថាល់ សាវុធ ដែល បានចំណាយពេលតាំងពីឆ្នាំ២០០០ ដើម្បីតាក់តែងប្រលោមលោកនេះ បានប្រាប់កោះសន្តិភាពតាមអ៊ីម៉េល ថា ថ្ងៃទី១ មិថុនា ២០០៨ ប្រលោមលោករបស់ខ្ញុំនិងមានតាំងលក់តាមតូបលក់សៀវភៅ បណ្ណាគារ ក្នុងក្រុងភ្នំពេញ និងខេត្តនានាក្នុងព្រះរាជាណាចក្រកម្ពុជា។
នៅថ្ងៃនោះ ស្ថានីយ៍វិទ្យុបាយ័ន ក៍នឹងធ្វើការប្រកាសជូនដំណឹង៤ថ្ងៃជាប់គ្នាដែរ គឺថ្ងៃទី១-២-៣ និងទី៤ មិថុនា ២០០៨។
ប្រលោមលោក មេទ័ពជ័យសែន ជាកំពូលប្រលោមលោកផ្នែកយុទ្ធគុន វេទមន្ត អាថ៌កំបាំង ស្នេហា ផ្សងព្រេងប្រឌិតតាមលំនាំប្រវត្តិសាស្ត្រខ្មែរ ក្នុងសម័យលង្វែក ដែលជាស្នាដៃនិពន្ធដោយលោក ហេង ថាល់ សាវុធ ដែលបច្ចុប្បន្នរស់នៅរដ្ឋម៉េន សហរដ្ឋអាមេរិក។
បាន អានប្រលោមលោករឿង “មេទ័ពជ័យសែន” នឹងធ្វើឱ្យមិត្តអ្នកអាន ជាពិសេសយុវ័ន និងយុវតីខ្មែរ ដែលស្នេហាអក្សរសាស្ត្រខ្មែរ បានដឹងពីប្រវត្តិតស៊ូ និងទឹកចិត្តប្តូរផ្តាច់របស់វិរមេទ័ពខ្មែរក្នុងសម័យនោះ។
លើសពីនោះ នឹងធ្វើឱ្យមិត្តអ្នកអានចំណេញអារម្មណ៍ភ្លឺថ្លា បាត់អស់ការអផ្សុក និងទទួលបានប្រាក់រង្វាន់ ទៀតផង។
សូម កុំភ្លេចរកជាវ និងអានសៀវភៅប្រលោមលោក “មេទ័ពជ័យសែន” ដែលមានតាំងលក់តាមតូបលក់ សៀវភៅ បណ្ណាគារក្នុងក្រុងភ្នំពេញ និងខេត្តនានាក្នុងព្រះរាជាណាចក្រកម្ពុជា។
មិត្ត អ្នកអាន មិនត្រឹមតែបានរីករាយ ទទួលបានចំណេះដឹងពីស្នាដៃនេះប៉ុណ្ណោះទេ ហើយថែមទាំងមាន ឱកាសឈ្នះរង្វាន់ពីសៀវភៅនេះទៀត ឯតំលៃក៍ថោកសមរម្យ ត្រឹម៥ពាន់រៀល។ បានអានសៀវភៅនោះ មិត្តអ្នកអាននិងបានដឹងពីលក្ខខណ្ឌ នៃការចូលរួមឈ្នះរង្វាន់ ដែលមានសរសេរភ្ជាប់ស្រាប់។
ទោះ ជាយ៉ាងណា អ្នកនិពន្ធបានបញ្ជាក់ថា ប្រាក់រង្វាន់នឹងកំណត់យកតាមចំនួនដែលបានផ្សាយតាម គេហទំពររបស់កាសែតកោះសន្តិភាពនេះ ហើយចំនួនដែលមានដាក់នៅក្នុងសៀវភៅប្រលោមលោក ភាគ១ ចាត់ទុកអាសារបង់វិញ។ លោកបានបន្តថា ដំណើរការចាប់ឆ្នោត និងធ្វើឱ្យឡើងដោយយុត្តិធម៌ បំផុត។ ក្នុងនោះឈ្មោះអ្នកឈ្នះរង្វាន់ទាំងអស់ និងមានបោះពុម្ភផ្សាយក្នុងសៀវភៅភាគ២ផងដែរ និងក្នុងទស្សនាវដ្តី ឡ្វគ ស្លឹកមាស។
លោកសាវុធ បានសង្កត់ធ្ងន់ថា ការចេញផ្សាយសៀវភៅប្រលោមលោកនេះ លោកដឹងថា មិនចំណេញនោះទេ ប៉ុន្តែលោករំពឹងថា ប្ឆូននិស្សិត និងបញ្ញវន្តដែរ នឹងបានអានស្នាដៃនេះ និងទទួលបានចំណេះដឹង ខ្លះពីប្រវត្តិសាស្ត្រខ្មែរ។
លោក សាវុធ ក៍បានថ្លែងអំណរគុណចំពោះមិត្តអ្នកអាន និងមិត្តភក្តិទាំងអស់នៅជំវិញពិភពលោក ដែល ផ្ញើសារអ៊ីម៉េលជាច្រើន ក៍ដូចជាការគាំទ្រចំពោះស្នាដៃរបស់លោកនេះ។
រង្វាន់ទី១ ៖ ១រង្វាន់ៈ ប្រាក់ចំនួន២០ម៉ឺនរៀល និងស៊ីឌីចំរៀង៥បទ ១បន្ទះ របស់អ្នកនិពន្ធ។
រង្វាន់ទី២ ៖ ១រង្វាន់ៈ ប្រាក់ចំនួន១៥ម៉ឺនរៀល និងស៊ីឌីចំរៀង៥បទ ១បន្ទះ របស់អ្នកនិពន្ធ។
រង្វាន់ទី៣ ៖ ១រង្វាន់ៈ ប្រាក់ចំនួន១០ម៉ឺនរៀល និងស៊ីឌីចំរៀង៥បទ ១បន្ទះរបស់អ្នកនិពន្ធ។
លោកអ្នកអាចទាក់ទង លោក ហេង ថាល់សាវុធ តាមរយៈអ៊ីម៉េលៈ touchh2004@yahoo.ca
————————————
អត្ថបទនេះ ដកស្រង់ចេញពីកាសែត កោះសន្តិភាព
