តែ១០នាទីទេ?
November 14, 2008
រូបនេះថតថ្ងៃបុណ្យអុំទូក
យប់នោះខ្ញុំមានកិត្តិយសយ៉ាងខ្ពង់ខ្ពស់ដោយត្រូវបានអញ្ជើញដោយ ឌី ឲ្យទៅសម្រាកនៅផ្ទះល្វែងដ៏ថ្មីស្រឡាងរបស់គាត់ មួយយប់ នៅឯបុរីពិភពថ្មី។
អមដំណើរដោយឌី និងស៊ា ម៉ោងប្រមាណ៩យប់ ខ្ញុំមកដល់ផ្លូវបត់ចូល ដែលមានផ្ទាំងប៉ាណូមួយផ្សាយពីបុរីនេះ ដែលក្នុងនោះដែរ គេមានសរសេរអក្សរថា “ជិះតែ១០នាទីប៉ុណ្ណោះ”….
ជិះបត់ចូលមិនទាន់បានប៉ុន្មានផង ត្រូវបានស្វាគមន៍ដោយគ្រលុករាប់រយរាប់ពាន់ ដែលមួយៗមានមាឌសឹងកន្លះម៉ែត្រ… ធ្វើឲ្យនឹកឃើញដល់រន្ធបាយខុំដែលខ្ញុំធ្លាប់លេងកាលវ័យកុមារ ព្រមទាំងយូរៗម្តងឃើញមានរណ្តៅលូយ៉ាងធំដែលគ្រាន់តែឃើញក៏ព្រឺ សំបុរ ព្រោះបើអ្នកណាជិះមិនប្រយ័ត្ន ក្លាយទៅជាក្បាលមឿងសម្រាប់រន្ធមួយនេះ គឺវេទនាមិនខានទេ។
រវល់តែគេចគ្រលុកមិនសូវជាបានសម្លឹងទៅមុខឆ្ងាយ ណាមួយងងឹតទៀតក៏មើលមិនឃើញ ស្រាប់តែឃើញទឹកឡើងល្ហល្ហាច ទើបដឹងខ្លួនថាមកដល់ភូមិទាហានជើងទឹក។ រឹតតែអស្ចារ្យណាស់ទៅទៀត ការដែលឆ្លងកាត់ទឹកនេះផុតដោយមិនទទឹកជើង(ទម្លាក់ជើងជ្រែងទប់លំនឹង ម៉ូតូ) ចាត់ទុកថាពូកែជិះណាស់ ព្រោះមានដុំថ្មធំៗប្រហែលដុំឥដ្ឋខ្លះក៏ធំជាងដុំឥដ្ឋទៅទៀត ក្រាលពីក្រោមផ្ទៃទឹកនោះ។
ទីបំផុតក៏មកដល់ផ្ទះឌី ដែលពេលវេលាសរុបមិនតិចជាង២០នាទីទេ។ សម្រាកមួយយប់ ព្រឹកឡើងឡើងទៅខាងលើមើលទេសភាព ក៏បានឃើញរូបភាពដ៏គួរឲ្យគយគន់មួយនេះ(បង្ហាញខាងលើ) មកបង្ហាញជូនអ្នកទាំងអស់គ្នានៅទីនេះទៅ។ មើលចុះថ្ងៃអុំទូក ប្រជាពលរដ្ឋភូមិនេះបែរជាចែវក្បូនទៅវិញ… តែទោះជាយ៉ាងណាក៏គ្រាន់បើជាងភូមិខ្ញុំកាលពីទសវត្សរ៍៩០ដែរ ដែលកាលនោះខ្ញុំលុយតែទឹកទេ គ្មានក្បូនជិះអ៊ីចឹងផង…
ពេលជិះមកវិញទើបខ្ញុំដឹងថា ផ្សារដីហុយ ដែលខ្ញុំធ្លាប់តែឮតែមិនស្គាល់ ស្ថិតនៅម្តុំហ្នឹងសោះ។ ប៉ុន្តែមានឃើញដីហុយឯណា បើទឹកលេចប្រៀបថ្នល់ហើយហ្នឹង… ស្រួលម្យ៉ាងកុំឲ្យហុយដី…
ក្បូនឆ្នាំ២០០៨ ប្រើសុទ្ធតែកង់ឡាន! :p
ហាហា មានក្បួនមួយនោះគេផ្ងារគ្រែដាក់លើកង់ឡាន… ប្រហែលជាគាត់មានជីវភាពធូរធារណាស់ហើយមើលទៅ…
ម្យ៉ាងណ៎!!!
គេធ្លាប់ឃើញគេជន់លិចដោយសារ ការឡើងនៃទឹកទន្ល សមុទ្រ ចំលែកតែស្រុកខ្មែរ លិចដោយសារទឹកភ្លៀងទៅវិញ ២ ខែហើយ ឬស្សីកែវ!
ហាហាហាហា….វិមានឋានសួរវាអញ្ចឹងហើយ ត្រូវធ្វើដំណើរយ៉ាប់តិចអញ្ចឹង :p
បូរាណឃ្លានេះមិនមែនចឹងទេ…ដែលមានផ្ទាំងប៉ាណូមួយផ្សាយពីបុរីនេះ ដែលក្នុងនោះដែរ គេមានសរសេរអក្សរថា “ជិះតែ១០នាទីប៉ុណ្ណោះ”….សូមបព្ជាក់ថា10នាទីនេះសំរាប់ទៅ ហ្គ្រេនភ្នំពេញ ទេមិនមែនទៅបូរីដែលខ្ញុំនៅនោះទេ។ ហើយឡូវទឹកលែងលិចហើយ គឺវារក្សាឈ្មោះដដែល គឺផ្សារដីហុយ ឡូវនេះដីហុយរាល់ថ្ងៃ….ហា ហា៎!!!!
សួស្តី អាលីស សុខសប្បាយទេ? ផ្ទះខ្ញុំមិនមែនជាវិមានអីទេ ផ្ទះល្វែងធម្មតាដូចគេឯតា តែឡូវលែងពិបាកហើយ គ្រាន់តាដីហុយតា សមតាមឈ្មោះវាថា ផ្សារដីហុយ គឺដីហុយមែន ហា៎….
អូ ចឹងទេ?! រាយការណ៌ខុសហើយ… ខ្មាស់គេណាស់..
ចា៎សុខទុក្ខព្រមគ្នា អរគុណ,ចុះឌីវិញ? សូមជួយអបអរដែលបានវិលត្រលប់ទៅឈ្មោះដើម :D
ឈ្មោះដើមមិចតូវ? អត់យល់?
អុញ!គឺផ្សារដីហុយនោះអី!
គ្រាន់តែប៉ុណ្ណឹងក៏មិនយល់ដែរ… គឺថាគេមិនហៅវាទៅជាផ្សារខ្ទប់ច្រមុះ ផ្សារបិទភ្នែក ឬផ្សារសក់កន្ទ្រើងអីណឹងណា៎…
អូ…………….! យល់ច្បាស់ហើយបាទ……………..!
ខ្មាស់គេណាស់ប៉ុណ្ណឹងក៏មិនយល់ដែរខ្ញុំនេះ មកពីខានតូវ អាយអេហ្វអិល យូរពេកមើលតូវ…. នឹកស្រីស្អាតដែលអត់ទាន់មានស្នេហានៅណុងដល់ហើយនាក…. 
ជឿចាស់ទៅ ជួញជិតជាជាងជួញឆ្ងាយ… មើលនៅជុំវិញខ្លួនក៏បាន មិនចាំបាច់ទៅអាយអេហ្វអិលក៏បាន អ្នកនៅទីនោះក៏មិនសូវស្គាល់គេផងទេដឹង? ចុះអ្នកជិតៗដូចជាកន្លែងធ្វើការអីហ្នឹង… ឧទាហរណ៍ទេ…
កន្លែងធ្វើការអី សុទ្ធតាប្រុសៗ អោយមើលមិចតូវ បូរាណឯអត់ខ្លាច អគ្គីរន្ទះទេរឺ? ខ្ញុំបារម្ភណាស់ណា…!
ផ្លូវចាប់ផ្តើមធ្វើហើយ ឯផ្លូវកាត់សាលាខ្ញុំក៏ធ្វើជិតហើយដែរ ចាក់សុទ្ធតែម៉េតុងកំរាសមួយចម្អាម! ខ្ញុំយល់ថាតិចទៀតក្មេងនឹងឆ្ងល់ហើយថា ម៉េចហៅផ្សានេះថា ផ្សាដីហុយចឹង?
មែនហើយ គេកំពុងតែធ្វើវា! តែយូតិចហើយចំពោះផ្លូវ ១០១៩(ផ្លូវហាណូយ)នោះ ខ្ញុំថាគេធ្វើហើយ ម៉ាកំណាត់ហើយ តែនៅចំមុខផ្សារវិញ រថយន្តក្រឡាប់ ៤ ទៅ ៥ដងហើយ….!
បើ រស្មី ទៅសាលារៀនតាមផ្លូវ ១០១៩ ពិតជាដឹងច្បាស់ហើយ! តែបើទៅតាមផ្លូវ ១៩៨៦ វិញ គឺគ្រាន់បើ ព្រោះធ្វើជិតហើយមែនទែនហើយ….លំបាកតាតិចទេ…. ហេ! រៀននៅ លីមកុកវិញ មែន? រស្មី …!
រីករាយដែលបានចូលមក ប្លក របស់ បូរាណ…..